Samtang gisilibrar sa kalibutan ang World Press Freedom Day gahapong adlawa, ang mga Palestinian journalists sa Gaza nagpabiling nag-antos sa pinakapait nga kahimtang sa ilang propesyon.
Sumala sa datos, sukad Oktubre 7, 2023, kapin sa 212 ka mamamahayag ang namatay tungod sa Israeli airstrikes, labing daghan sa tanang kasaysayan gumikan sa nagpadayong panagbangi sukad 1992.
Si Sami Shahadeh, usa ka journalist nga naputlan og bitiis gumikan sa pagbusikad, misulti nga ang pagpangtarget sa media tinuyo-an ug sistematiko. Gani, dili na matud pa kasaligan ang internasyonal nga mga institusyon.
Si Ramzi Mahmoud, nga nawad-an og 19 ka miyembro sa pamilya, nag-ingon nga walay angay saulogon karon gumikan sa nagpadayong genocide ug ang nakapait matud pa,nagpabiling hilom ang kalibutan.
Ang Gaza Government Media Office mitaho nga 409 ka media workers ang nangasamdan na, 48 ang gidakop, ug 21 ka social media journalists ang gipatay.
Gani, miabot sa $400 milyon ang kadaot sa media sector. Ang mga mamamahayag nanawagan og legal nga panalipod, kagamitan, ug katungod sa pagpangadyi.