Ginatutukan matud pa sa kapulisan Malaybalay ang political rivalry sa lungsod.
Sa pagkighinabi sa Bombo Radyo Malaybalay kang PMaj. Joann Navarro, tigpamababa sa region 10 nga ilang ginatutokan ang Bukidnon, gumikan sa historical data nga dunay previous intense election rivalry ang nahitabo.
Apan, sumala sa tigpamaba nga wala pa kini namatikdan nga dunay mga pagpanghulga o panghitabo mahitungod sa eleksyon.
Hinoon, wala sab matud pa kini namonitor nga mga paglambigit sa mga private army o grupo nga gigamit sa mga politiko alang sa ilang kaugalingong interes sa panahon sa eleksyon.
Sa kasamtangan, nakaalerto ang kapulisan atol sa ginapaabot nga eleksyon ning tuiga.
Nahisgutan usab ang mga lugar nga gipailawom sa mga kolor nga yellow, green, orange, pula, diin gitutokan kini ug hinoon wala sab matod mga insidente nga natala sa naasoy nga dapit.
Apan, dili kini angay kakompyansaan rason nga magpadayun nga magbinantayon.
Dugang pa, giawhag ni Navarro ang publiko og dunay namatikdan nga mga illegal o dili maayo nga panghitabo ilabi na nga armado, gilayon kining itaho sa pinakaduol nga istasyon.Â