Gipahayag ni Bukidnon 2nd District Rep. Jonathan Keith Flores nga duna pay igong panahon alang sa bisan kinsa nga magbabalaod o pundok nga buot mupasaka og mas bug-at nga impeachment complaint batok kang Presidente Ferdinand “Bongbong” Marcos Jr.
Kini ang nahimong reaksyon ni Flores dungan sa mga nagingong kulang sa merito ang unang reklamo nga gi-endorso ni Pusong Pinoy Partylist Rep. Jernie Jett Nisay niadtong Lunes.
Matud ni Rep. Flores, bisan og duna nay nasangat nga reklamo, wala pa kini opisyal nga na-refer sa House Committee on Justice.
Tungod niini, mahimo pang makagukod ang uban sa pag-file og kaugalingong reklamo sa dili pa magsugod ang one-year bar rule.
Ubos sa balaod, sa higayon nga masugdan na ang usa ka impeachment proceeding batok sa usa ka opisyal dili na kini mahimong pasakaan og laing reklamo sulod sa usa ka tuig.
Gidugang usab sa kongresista nga dili angayang dali dali-on ang pag-dismiss sa reklamo base lang sa mga unang obserbasyon.
Kasamtangan, ang reklamo giduso na ngadto sa buhatan sa Secretary General ug gipaabot nga i-refer ngadto sa Committee on Justice sulod sa tulo ka adlaw nga session human kini maapil sa Order of Business sa Kamara.