Target sa Department of Justice kon (DOJ) nga makuha ang hingpit nga kustodiya sa state witness nga si kanhi DPWH Engineer Henry Alcantara gikan sa Senado sulod niining semanaha.
Kini ang gikumpirma ni Justice Sec. Fredderick A. Vida human ang nagpadayong imbestigasyon sa mga maanomalyang flood control projects sa nasud.
Sumala sa kalihim, gikinahanglan ang pagbalhin ni Alcantara alang sa iyang dugang seguridad ug aron maseguro nga anaa kini kanunay kon gikinahanglan ang iyang presensya sa imbestigasyon.
Gipasabot ni Sec. Vida nga kritikal ang papel ni Alcantara isip testigo tungod sa mga ebidensya nga iyang gihuptan aron mapalig-on ang kaso batok sa mga akusado.
Bisan pa niini, giangkon sa DOJ nga wala pa sila nakapasa og pormal nga sulat ngadto sa Senado alang sa maong pagbalhin.
Samtang giandam pa ang mga dokumento, nagdumili una ang ahensya sa paghatag og dugang detalye tungod sa security concerns.
Sa pikas bahin, gipaniguro sa DOJ nga magpabilin silang abli sa pakigtambayayong sa ubang ahensya sa gobyerno kon ugaling gikinahanglan ang presensya ni Alcantara sa ubang mga hearing.