Nagpasaka og reklamong cyberlibel si House Deputy Speaker Ronaldo Puno batok kang Cavite 4th District Rep. Kiko Barzaga tungod sa mga posts niini sa social media kalabot sa giingong suholan.
Gikan kini sa mga pamahayag ni Barzaga online nga dunay nadawat nga suhol ang iyang kaubang mambabalaod gikan sa National Unity Party (NUP) og sa business tycoon nga si Enrique Razon.
Matud pa, ang maong suhol para suportahan ang speakership bid ni Leyte Rep. Martin Romualdez sa pag-abli sa 20th Congress.Giduso ni Cong. Puno ang reklamo batok kang Barzaga sa Office of the City Prosecutor sa Antipolo.
Una na usab nga nipasaka og kasong cyberlibel si Razon batok kang Barzaga tungod sa susamang alegasyon.
Samtang, gikatakdang mahuman ang suspensyon ni Barzaga karong Enero 30 nga resulta sa iyang mga “reckless ug inflammatory” nga posts sa social media. Apan, posible pa kining malugwayan tungod sa bag-ong reklamo batok sa maong neophyte lawmaker.