Nitambong si Batangas Rep. Leandro Leviste sa bag-ong sesyon sa Senate Blue Ribbon investigation niadtong Lunes bahin sa kontrobersiya sa flood control projects, pipila ka semana human niyang ipadayag ang mga detalye bahin sa giingong “Cabral Files.”
Nagpasalamat si Sen. Ping Lacson, chairman sa Blue Ribbon Committee, sa pag-apil ni Leviste.
Pagasusihon sa komite ang kapuslanan ug kredibilidad sa mga dokumento nga gibilin ni kanhi Public Works Undersecretary Maria Catalina Cabral, nga naglangkob sa mga pangalan sa mga opisyal, lakip na ang mga Cabinet members ug mga mambababalaod, nga allegedly nagpatuman sa pipila ka proyekto sa National Expenditure Program.
Sumala ni Leviste, adunay kopya siya sa mga files, apan dili na kini ma-verify ni Cabral kay namatay siya niadtong Disyembre.
Plano usab ni Leviste nga hangyoon ang Department of Public Works and Highways aron susihon ang mga dokumento.