40 patay sa panagbangga sa 2 ka tren sa Spain; 3-adlaw nga pagbangutan, gipatuman!

Nagpatuman ug tulo ka adlaw nga pagbangutan  sa Spain  si Prime Minister Pedro Sánchez human sa madugo nga panagbangga sa duha ka high-speed nga tren.

Ang maong insidente miresulta sa pagkamatay sa 40 ka mga indibidwal.

Gitan-aw sa mga otoridad nga kini mao ang pinakagrabeng aksidente sa tren sulod sa pipila ka dekada.

Nahitabo ang aksidente pipila ka oras human molarga ang tren gikan sa Malaga paingon sa Madrid.

Base sa inisyal nga imbestigasyon, nadiskaril ang usa ka tren ug mibangga kini sa kasugat nga tren.

Sa pagkakaron padayon nang nagpatuman ang mga otoridad og hugot ug lawom nga imbestigasyon aron matino ang tinuod nga hinungdan sa nahitabong aksidente.