Usa ka iro ang nahimong katingalahan sa mga silingan human matikdan nga makasabot kini sa pulong nga “low battery.”
Matag muingon ang tag-iya nga hapit na malowbat ang iyang cellphone, mudagan dayon ang iro palibot sa balay murag nangita ug charger.
Matud pa sa tag-iya, wala niini gitun-an ang iro, apan tungod sa pirming pagdungog sa pulong nga “low battery,” nabutang na sa hunahuna sa iro ang pulong sa pag-charge. Usahay, muhunong pa gyud ang iro tapad sa saksakan sa kuryente.
Ang mga silingan miingon nga mas alerto pa ang iro kaysa sa tag-iya, kay ang iro maoy unang makabantay nga hapit na mahutdan ug baterya ang cellphone.
Tungod ani, giingon sa tag-iya nga ang iro dili lang bantay sa balay, kon dili opisyal na usab nga “battery assistant.”