Mikabat na sa kapin 5,000 ka tawo ang namatay sa nagpadayong kagubot sa Iran, sumala sa taho sa mga lokal nga opisyal. Lakip sa mga namatay ang gibana-bana nga 500 ka sakop sa security forces.
Gitudlong suspek sa gobyerno ang mga “terorista” nga maoy responsable sa kamatayon sa mga sibilyan. Apan sumala sa Human Rights Activists News Agency (HRANA), anaa sa 3,308 na ang kumpirmadong patay samtang kapin 24,000 na ang gipangdakop sukad sa pagsugod sa mga demonstrasyon.
Nagsugod ang protesta niadtong Disyembre 28 tungod sa krisis sa ekonomiya. Samtang gipasalig ni Supreme Leader Ayatollah Ali Khamenei nga likayan ang hingpit nga gubat, gipaniguro niini nga silotan ang mga responsable sa kagubot.
Gibasol usab ni Khamenei ang Estados Unidos ug Ukraine nga maoy nagpaluyo sa maong mga pagpamatay.