Gibatikos sa Makabayan bloc ang pamahayag ni Presidente Ferdinand Marcos Jr. nga “hapit na mahuman” o natapos na ang trabaho sa Independent Commission for Infrastructure (ICI) kalabot sa imbestigasyon sa flood control projects. Matud sa grupo, usa kini ka “whitewashing” o pagtabon sa kamatuoran tungod kay hangtud karon, wala pa’y klarong resulta o tulubagon sa mga opisyal nga nalambigit sa bilyon-bilyon nga pundo sa imprastraktura.
Gipasiugdahan sa mga progresibong magbabalaod nga dili angay undangon ang imbestigasyon samtang daghan pa ang mga “ghost projects” ug substandard nga mga agianan sa tubig nga nagpabiling wala mahatagi og katarungan. Matud ni ACT Teachers Rep. Antonio Tinio, na ginalipat-lipat lang ang publiko kon deklaraon nga human na ang imbestigasyon bisan wala’y nanubag nga mga dagkong opisyal.
Kahinumduman nga ang ICI gimugna sa presidente mismo aron sutaon ang giingong “kickbacks” ug kurapsyon sa flood control budget, apan alang sa Makabayan bloc, napakyas ang maong komisyon sa pagpakita sa ilang tinuod nga kagawasan.