Gipagawas sa United States Postal Service (USPS) ang usa ka commemorative stamp isip pagpasidungog sa boxing legend nga si Muhammad Ali sa iyang lungsod nga Louisville, Kentucky.
Makita sa selyo ang hulagway ni Ali sa panahon nga kusog pa kaayo ang iyang karera isip boksingero.
Sumala sa USPS, 22 ka milyon ka selyo ang giimprinta.
Ang hulagway ni Ali gigikan sa Associated Press niadtong 1974, diin makita nga nakataas ang iyang mga kamot sa posisyon sa pagpakig-away.
Makita usab ang apelyido nga “ALI” nga gisulat sa baga nga itom ug pula nga mga letra.
Gipangulohan sa beteranong broadcaster nga si Bob Costas ang pagpakita sa selyo, ug miingon siya nga ang selyo nagpakita sa dugay’ng impluwensya ni Ali sa lungsod diin siya nidako.
Kabahin usab sa commemorative release ang usa ka stamp sheet nga adunay laing hulagway ni Ali nga nagsuot og pinstripe suit, isip pag-ila sa iyang papel isip aktibista ug humanitarian.
Namatay si Ali niadtong 2016 sa edad nga 74 human sa dugay nga pakigbisog batok sa Parkinson’s disease.
Si Ali, nga nailhan isip “The Greatest,” nakadawat og daghang pasidungog lakip ang Olympic gold medal niadtong 1960, United Nations Messenger of Peace Award niadtong 1998, ug ang Presidential Medal of Freedom niadtong 2005.