Ihap sa mga namatay sa pagdahili sa Binaliw Landfill, misaka na sa 27

Misaka na sa 27 ang ihap sa mga nakalas sa nahitabong pagdahili sa Binaliw Landfill sa Cebu City, base sa pinakabag-ong report sa Cebu City Disaster Risk Reduction and Management Office (CCDRRMO) kaganihang alas-9:36 sa buntag, Enero 16, 2026.

Sumala sa mga awtoridad, duna usay 18 nga narekober nga samaran samtang nagpadayon pa ang pagpangita sa siyam (9) pa nga gikatahong missing.

Kini nga trahedya nahitabo niadtong Enero 8, diin nahugno ang usa ka bungtod sa basura nga mitabon sa mga trabahante sa maong pasilidad.

Karong adlawa, Enero 16, gideklarar usab sa kagamhanan sa siyudad sa Sugbo isip Day of Mourning o adlaw sa pagsubo alang sa mga biktima sa maong insidente.