Mukabat sa kapin kon kulang P9 milyones nga pondo ang gitagana sa lokal nga kagamhanan sa dakbayan sa Malaybalay alang sa monthly social support ug monthly financial assistance sa mga Persons with Disabilities nga anaa sa severe condition kon PWDs alang sa tuig 2025, sumala sa year-end report sa mga opisyales sa syudad.
Matud ni Konsehal Niko Aldeguer, ang maong programa giaprobahan pa kaniadtong tuig 2024 ug nasugdan sa tuig 2025.
Pinaagi niini, adunay monthly nga ayuda nga gitagana alang sa mga benepisyaryo, apan matag unom ka bulan kini marelease tungod sa mga pagproseso ug pag-apruba sa pondo.
Giklaro ni Aldeguer nga ang kapin kon kulang P9 milyones nga pondo eksklusibong gitumong sa mga PWDs nga bedridden ug sa mga dili na pisikal nga makakaya nga mangita og trabaho, aron masuportahan ang pang-inadlaw-adlaw nga panginahanglanon sama sa pagkaon, medisina, ug uban pang gastohon.