Miluwat ang World Bank mahitungod sa ekonomiya sa Pilipinas nga gikaigong mas lagmit nga matunong sa idlas nga upper middle income status sa 2027 inay sa sunod tuig, tungod ang lokal nga ekonomiya dili makalingkawas gumikan sa taripa.
Apan, nunot niini, mipasigarbo si President Ferdinand “Bongbong” Marcos Jr., atol sa Alyansa campaign rally sa Lucena City, Quezon Province, nga ang Pilipinas ang usa sa dunay pinakapaspas nga paglambo sa ekonomiya tandi sa ubang mga nasud sa Asya.
Matud ni PBBM, dako ang iyang pasalamat sa katawhang Pilipino aron makab-ot ang maong kalampusan sa nasud.
Apan matod pa sa AMRO ASEAN+3 kon Macroeconomic Research Office, ngang pag-uswag sa ekonomiya sa Pilipinas mahimong mous-os ubos sa unom ka porsyento karong tuiga gumikan sa mga risgo nga dala sa taripa nga gipahamtang sa Estados Unidos ngadto na sa mga trading partners niini.
Samtang sa maong rally, namatikdan nga napulo na lamang ang nakalinyada sa mga senador nga gi-endorso sa presedenti ug uwahing natangtang mao si Rep. Camille Villar.
Kahinumdoman nga una nang mikalas sa alyansa ang maguwang ni PBBM nga si Senadora Imee Marcos.