Gipasalig sa National Food Authority Bicol ang publiko nga adunay igo nga suplay sa bugas aron matubag ang panginahanglan sa panahon sa kalamidad ilabi na kung moalburoto ang Bulkang Mayon.
Gibuhat kini aron masiguro nga walay kakulang sa bugas kung manginahanglan ang mga apektadong komunidad.
Matud ni Assistant Regional Manager Julie Llenaresas, adunay kasamtangang imbentaryo ang NFA Bicol nga kapin sa 104,237 ka sako sa bugas nga gitipigan sa ilang mga bodega sa nagkalain-laing bahin sa rehiyon.
Dugang pa niini, adunay usab 764,870 ka sako sa humay nga ilang gipagaling aron mahimong bugas.
Gilauman nga madugangan pa ang suplay tungod sa padayon nga proseso sa humay.
Aktibong nakigkoordinasyon ang NFA Bicol sa mga relief agencies alang sa hapsay nga paghatag og tabang sa katawhan.
Andam usab sila motubag sa posibleng pagtaas sa demand sa bugas kung mas mudako pa ang epekto sa kalihokan sa Bulkang Mayon.