Hugot nga gilimod sa kampo ni kanhi DPWH Engineer Henry Alcantara ang mga hungihong nga gibakwi na niini ang iyang mga testimonya kalabot sa giingong anomaliya sa flood control projects o ang gitawag nga recantation.
Matud sa iyang legal counsel nga si Atty. Emil Carlo Jovellana, misleading ug walay kamatuoran ang mga taho nga gibakwi ni Alcantara ang iyang mga gipahayag mahitungod sa korapsyon sa maong proyekto.
Gi-insister sa kampo nga nagpabilin ang baruganan sa engineer, ilabi na nga duna na silay Memorandum of Agreement (MOA) uban sa Department of Justice (DOJ) alang sa Witness Protection Program (WPP).Kagahapong adlawa nakita si Alcantara sa buhatan sa DOJ.
Gipatin-aw ni DOJ Spokesperson Atty. Mico Clavano nga ang presensya sa engineer kabahin lamang sa normal nga proseso tungod kay giila na kini nga covered witness sa gobyerno. Sa pikas bahin, nagpahimangno ang buhatan sa Ombudsman nga kon tinuod man nga adunay recantation nga mahitabo dako kini og epekto sa kahimtang sa mga testigo ubos sa WPP.
Matud ni Ombudsman Jesus Crispin Remulla, mas maayo nga ang DOJ ang mupahigayon sa preliminary investigation sa mga flood control cases aron dili maputol ang koordinasyon sa mga testigo.
Gawas kang Alcantara, lakip sa gipanid-an sa maong kaso ang uban pang miyembro sa gitawag nga “BGC Boys” nga silas Bryce Hernandez ug JP Mendoza.
Kasamtangan, wala pay opisyal nga pahibalo ang DOJ gikan sa mga abogado sa maong grupo kalabot sa bisan unsang pagbakwi sa testimonya.