Bus nga nalambigit sa karambola sa SCTEX, gisuspende sa LTFRB

Gilayong  gituman sa Land Transportation Franchising and Regulatory Board (LTFRB) ang mando ni Transportation Secretary Vince Dizon nga preventive suspension sa Solid North Transit Incorporated (SOLID NORTH) kini human sa madugong karambola sa Subic-Clark-Tarlac Expressway (SCTEX) nga miresultaa sa pagkakalas sa kinabuhi sa 10 indibidwal atol sa insidente.

Matud pa sa otoridad nga 4 ka mga bata ang namatay samtang 37 ang samaran. Gumikan niini, nakadawat ang pamilya sa mga biktima og tabang nga nagkantidad og P400,000 gikan sa gobyerno.

Sumala sa imbestigasyon sa kapulisan, nakatulog matud pa ang ang drayber sa bus ug nibanga kini sa mga nakaparking nga mga sakyanan sa toll gate.