Subling gipamugos ni US President Donald Trump nga ang pagsakop sa Greenland ang mahimong makatabang sa Estados Unidos aron makunhuran ang pagsalig niini sa China alang sa mga critical minerals, ilabi na ang rare earth elements.
Bisan pa man sa mga hagit sa geology ug kakulang sa imprastraktura sa isla ug sa kamatuoran nga wala pay aktibong nagpadagan nga minahan sa maong dapit, rason nga gikwestyon sa mga eksperto ang pagka-praktikal sa maong ideya.
Unang gipahayag ni Trump ang maong prayoridad human sa pagpahugot sa China sa pag-export sa critical minerals ngadto sa US tungod sa sunod-sunod nga taripa, ug bisan pa man nga migahin na ang administrasyon og gatusan ka milyong dolyar alang sa pagmina sulod ug gawas sa nasud. Gibuhi gihapon niini ang ideya sa pagkuha sa Greenland gikan sa Denmark isip malungtarong solusyon, nga gibana-banaang adunay hangtod 1.5 milyong tonelada sa rare earths apan kadaghanan sa mga proyekto anaa pa lamang sa exploratory stage.