Nakaabot na sa China ang national women’s futsal team sa Pilipinas nga gitawag og “Filipinas” alang sa pagsalmot sa 2025 AFC Women’s Futsal Asian Cup nga ipahigayon sa Hohhot, China gikan Mayo 6 hangtod Mayo 18.
Ang Filipina 5 gipanguluhan sa ilang Spanish head coach nga si Rafa Merino Rodrigo nga gilangkuban og 15 ka miyembro.
Sa pagkakaron, ang women’s futsal team anaa sa ika-55 nga pwesto sa tibuok kalibutan.
Nahilakip ang nahisgutan sa Group B kauban ang world number 9 nga nasud Iran, number 11 nga Vietnam, ug ang number 29, ang nasud Hong Kong.
Ang Iran mikampyon sa AFC niadtong 2015 ug 2018, samtang ang Vietnam mao ang reigning champion sa Southeast Asia.
Unang duwa sa “Filipina 5” batok sa Iran ipahigayon karong Mayo 7, alas-11 sa buntag, diin sundan kini sa Vietnam karong Mayo 9, ug ang Hong Kong makigsangka karong Mayo 11 ning tuiga.