Alex Eala, nasakmit ang kadaogan human gipilde ang Paris Olympics silver medalist sa Round of 32 sa 2026 ASB Classic

Mapasigarbohong midaog ang Pinay tennis star nga si Alex Eala sa Round of 32 sa women’s singles sa 2026 ASB Classic.

Sa ilang engkwentro karong hapon (Enero 6), nakuha ni Eala ang kadaugan human makuha ang deciding set sa iskor nga 6-4.

Sa pagsugod sa dula, nakuha una sa iyang kontra nga si Donna Vekić ang unang set, 4-6, apan daling nakabawi si Eala sa ikaduhang set, 6-4.

Pag-abot sa deciding set, gidomina dayon sa Pinay star ang dula ug wala na makabangon pa si Vekić, kinsa usa ka kanhi silver medalist sa Paris Olympics.

Sunod nga makasangka ni Eala ang Croatian tennis player nga si Petra Marčinko alang sa Round of 16 sa maong torneyo.