Nasagulan og kahadlok ang bakasyon sa dancer/actor nga si Nikko Natividad ug sa iyang pamilya sa Japan human nga gidala sa ospital ang iyang anak tungod gi-seizure kini samtang naa sila sa usa ka restaurant.
Sumala sa post ni Nikko, gi-seizure ang iyang anak samtang nagkaon sila og gibati siya og dakong kakulba ug misinggit aron nga mangayo og tabang ug ambulansya.
Apan naglisod sila gumikan wala sila masabtan bisan pa nagsulti sila og English nga lingwahe, maayo na lang adunay ambulansya nga duol kanila.
Dugang pa sa aktor, gibati kinig grabe nga kakapoy ug kaluya, ug wala na gyud lain makita aktor gawas sa iyang anak nga nagsulirap ang mga mata ug halos duha ka minutos nga wala kini miginhawa ug ni-violet na ang kolor niini.
Sa post sa aktor, nagpahimangno usab kini nga mag amping kung anaa sa Japan ilabi na kadtong adunay mga bata gumikan kusog ang pagkaylap sa viral infection ug influenza sa maong nasud.