Lalaki patay human nagkutlo sa kaugalingong kinabuhi sa may Barangay Lilingayon, Valencia City

Nakaplagang patay ang usa ka lalaki human niini gikutlo ang kaugalingon kinabuhi sa usa ka sa punuan sa kakahoyan sa may Purok 8, Barangay Lilingayon, dakbayan sa valencia, kagahapong adlawa takna alas singko (5:00) sa kahaponon.

Ang biktima naila nga si alyas Alfred, residente sa nasangpit nga lugar.

Sa dinaliang pagresponde sa kapulisan human masayri ang maong panghitabo, nasuta base sa gihimong imbestigasyon ngadto sa kabanay ug mga silingan niini, nga matud pa, ang biktima na-missing kaniadto pang mga milabayng adlaw ug wala na kini makita.

Gani, nadiskubrehan na lamang kini nga wala nay kinabuhi  didto sa punuan sa usa ka kahoy gamit ang yellow nga pisi nga gihigot ngadto sa iyang liog, nga maoy hinungdan sa iyang hinanaling kamatayon.