Gitigom sa kapin 180 ka mga kardinal ang ilang ikapito nga miting sa Vatican aron andamon ang conclave karong Mayo 7, human sa pagkamatay ni Pope Francis niadtong Abril 21.
Gihisgutan sa mga kardinal ang dagkong isyu sama sa seksuwal nga pag-abuso, papel sa simbahan sa modernong kalibutan, ug pinansyal nga kalihokan sa Vatican. Ang 133 ka cardinal electors magboto sa Sistine Chapel hangtod makab-ot ang two-thirds majority aron mapili ang bag-ong Santo Papa.
Nanghinaot ang daghang kardinal nga molungtad lang og pipila ka adlaw ang proseso, parehas sa miaging duha ka pagpili. Gitumbok usab ang kalainan sa perspektibo sa mga kardinal gikan sa lain-laing kontinente, nga nagdala og bag-ong mga hunahuna sa miting.Samtang, magpadayon ang mga preparatoryo hangtod Mayo 7, nga giila nga sugod sa pagpili sa mosunod nga lider sa 1.4 bilyong Katoliko sa kalibutan