Iligal nga droga nag-una sa listahan sa mga kaso sa kriminalidad sa Kalilangan, Bukidnon

Nagpabilin ang iligal nga droga ang nag-una sa mga kriminalidad nga natala sa lungsod sa Kalilangan Bukidnon.

Gisundan kini sa mga loose firearms o mga armas nga walay lisensya ug dili kompleto ang papes.

Lakip usab ang illegal fishing ug mga iligal smuggling nga kalihukan. Kini ang gibutyag ni PLt. Valentin Pasagdan, deputy chief of Police sa lungsod sa Kalilangan, Bukidnon.

Hingpit usab nga gipaambit niini nga gideklarang generally peaceful ang probinsya sa Bukidnon human ang pagsaulog sa bag-ong tuig.

Matud ni PLt. Valentin Pasagdan Jr. sa Kalilangan Municipal Police Station, nga walay natalang insidente o krimen sa maong lungsod sa panahon sa pagsugat sa bag-ong tuig.