- Advertisement -
Giklaro ni Ombudsman Jesus Crispin “Boying” Remulla nga usa ka “fake news” ang nigawas nga taho nga matod pa gidala siya sa balay tambalanan. Una na kining gipanghimakak ni Assistant Ombudsman Mico Clavano, kinsa miingon nga walay kamatuoran ang maong balita.
Bisan ang iyang igsoon nga si DILG Secretary Jonvic Remulla mipamatuod nga maayo ang lawas sa Ombudsman ug nakaduwa pa gani sila og golf. Dugang pa niya, duna silay nakatakdang breakfast meeting karong adlawa, Sabado.
Nigawas ang maong sayop nga impormasyon niadtong Biyernes, Enero 2, diin giingon nga kritikal matod pa ang kahimtang sa opisyal, apan kini napamatud-an nga dili tinuod.
- Advertisement -