Gikondena ni ACT Teachers Party-list Representative Antonio Tinio ang 2026 national budget human ang kapin sa P43 bilyon nga pundo alang sa sweldo ug retirement benefits sa mga magtutudlo ug kawani sa gobyerno gibalhin ngadto sa “unprogrammed appropriations”.
Matud ni Tinio, ang maong lakang nagbutang sa kakuyaw sa mga benepisyo sa mga magtutudlo tungod kay ang unprogrammed funds wala nay kaseguroan nga mapundohan ug nakadepende na lang sa availability sa kwarta sa gobyerno.
Sa maong pagbalhin, gikuha ang mosunod nga mga pundo: P10.77 bilyon gikan sa pundo alang sa salary upgrades ug dugang kompensasyon.P32.47 bilyon gikan sa retirement ug terminal leave benefits sa mga kawani.
Gipasabut sa mambabalaod nga gihimo kining pagbalhin aron hatagan og agianan ang mga “insertions” o dugang pundo para sa subsidies sa Local Government Units (LGUs) og kapin sa P63 bilyon.Nagpahimangno si Tinio nga basin masubli ang nahitabo niadtong 2025 diin daghang kawani sa Department of Education (DepEd) ang wala nakadawat sa ilang tibuok P20,000 nga Service Recognition Incentive (SRI) tungod sa kakuwang sa pundo.
Nanawagan ang representante ngadto kang Presidente Ferdinand Marcos Jr. nga i-veto ang maong probisyon ug dinalian nga magsumite og supplemental budget aron mabalik ang P43 bilyon sa orihinal nga programa niini. Dugan pa niini nga dili angay himuong “hostage” ang sweldo ug benepisyo sa mga magtutudlo ug kawani sa gobyerno.