Giisa sa Alert Level 2 sa Philippine Institute of Volcanology and Seismology kon PHIVOLCS ang kahimtang sa Mayon Volcano gikan sa Alert Level 1 tungod sa padayon nga pagtaas sa rockfall sa summit lava dome, diin sukad Nobyembre 2025 miabot na sa 599 ka insidente ug misaka sa 21 kada adlaw sa katapusang semana sa Disyembre.
Niadtong Disyembre 31, 2025, nakarekord og 47 ka rockfall events diin ang pinakataas sulod sa usa ka tuig nga timailhan sa pagkadako sa magmatic dome nga posibleng mosangpot sa pagbusikad sama sa wala pa ang 2023 eruption.
Nakita usab ang anomalya sa ground deformation sulod sa miaging 18 ka bulan nga nagpakita sa padayon nga paglapad sa mga pipila ka bahin sa maong bulkan. Tungod niini, hugot nga gidili ang pagsulod sa 6-kilometer Permanent Danger Zone kon (PDZ), ug gipahimangnoan ang LGUs sa pag-andam sa posibleng evacuation ug ang mga piloto sa paglikay sapaglupad duol sa bulkan.