Planong magpasaka og kaso ang igsoon sa mga naangol sa pagpangdunggab sa Zone 1, Kalasungay ning dakbayan milabay nga adlaw ug gikamatay ni Oliver Sigod.
Sa eksclusibong pakighinabi sa Bombo Radyo kay Indong Rosito Maghinay, igsoon ni Amelito Maghinay ug Pedrito Maghinay Jr., nga karon anaa sa balay tambalanan kansa naka angkon og mga samad dinunggaban sa kalawasan.
Saysay pa niini nga dili lalim ang samad nga naangkon sa iyang mga igsoon ilabi na karon nga walay igong kantidad sa kwarta ang pamilya sa mga biktima ingon man sa namatyan.
Dugang pa niini nga ang suspek nga giilang si Jason Galolo nga gawasnon pa ning mga orasa nga gawas sa kasong ipasaka nila sa suspetsado nakalapas matud pa kini sa pamalaod nga tresspassing gumikan mikalit lamang kini og butho sa ilang lugar.
Sa laing bahin sumala pa kay PMSG. Ken Hanzel Bughaw, spokesperson sa Malaybalay City Police Station nga aduna matud pay kalagot ang suspetsado batok sa kang Oliver sukad miaging semana busa gigamit niini ang higayon nga makabalos ngadto kanila pinaagi sa pag atake og duslak sa hait nga hinagiban sa mga biktima.