Nasugdan ang madugong insidente tungod sa panagbangi sa milabayng semana samtang nag-inom ang tulo ka silingan sa Zone 1, Barangay Kalasungay, Malaybalay City.
Sa pakighinabi sa Bombo Radyo Malaybalay kay PMSG. Ken Hanzel Bughaw, spokesperson sa Malaybalay City Police Station na matod pa sa dihang miabot ang suspek nga hubog, giimbitar sa grupo, apan giatubang sa manghod sa biktima ang nahibiling sayop nga panagkasabotan nga misangpot sa panaglalis.
Mipauli ang suspek apan mibalik bandang alas-8 sa gabii ug gipangdunggab ang biktimang si Oliver Sigod sa tuo nga dughan, hinungdan sa maong kamatayon, samtang nasamdan usab ang duha ka magsoon—ang usa sa likod ug ang usa sa liog ug kamot—human niini mikalagiw ang suspek.
Kahinumduman nga nakadawat og tawag ang kapulisan niadtong Disyembre 29 ug diha-diha mitubag sa lugar. Gipamatud-an nga kutsilyo ang gigamit sa pagpangdunggab ug namatay dayon ang biktima tungod sa grabe nga samad sa dughan.
Gidala ang duha ka nasamdan sa balay tambalanan ug anaa nas maayong kahimtangan. Padayon ang hot pursuit operation sa kapulisan ug nag-awhag sila sa publiko nga makigtambayayong ug maghatag og impormasyon aron masikop gilayon ang suspetsado.