Gikompirma ni Senate Committee on Finance Chair Sen. Win Gatchalian nga apil sa giaprobahan sa bicameral conference committee nga bersyon sa 2026 General Appropriations Bill (GAB) ang gitawag nga “anti-epal” special provision.
Sumala niini nga probisyon, dili na puwedeng manghilabot ang mga politiko sa pagpanagtag sa ayuda o cash assistance sa gobyerno. Tumong niini nga malikayan ang paggamit sa tabang sa gobyerno alang sa personal o politikal nga promosyon sa mga opisyal.
Gipasabot nga ang paghatag sa ayuda kinahanglan ipatuman sa hustong ahensya sa gobyerno, walay apil-apil sa mga pulitiko, aron masiguro nga ang tabang makaabot gyud sa mga tinud-anay nga benepisyaryo.
Ang “anti-epal” provision kabahin sa mga lakang sa Senado ug Kamara aron mapalambo ang transparency ug integridad sa paggasto sa pondo sa gobyerno ilabi na sa panahon sa paghatag og social assistance.