Isyu nga 20 kph speed limit sulod sa syudad sa Malaybalay, giklarong wala gipatuman sa tanang karsada

Giklaro karon sa Mayor sa Syudad sa Malaybalay ang isyu may kalabotan sa pagpapatuman sa 20 kilometers per hour nga speed limit sulod sa syudad.

Matud ni Malaybalay City Mayor Jay Warren Pabillaran, ang 20 kph nga limitasyon usa ka balaod ug gipatuman aron masiguro ang kaluwasan sa katawhan.

Gipasabot sa Mayor nga dili kini ipatuman sa tanang karsada sulod sa syudad, kondili limitado lamang sa mga lugar nga gitawag og critical zones sama sa palibot sa mga ospital, eskwelahan, mga ahensya sa gobyerno, ug sa mga pedestrian crossing diin taas ang risgo sa aksidente.

Dugang pa, gibutyag sa alkalde nga ang maong 20 kph speed limit gi-verify ug gisiguro sa Sangguniang Panlungsod nga adunay lig-on nga legal nga basihan.