8 ka indibidwal, naangol sa nahitabong pagpangdunggab sa usa ka pabrika sa Japan

Gidakop sa mga otoridad sa Japan ang usa ka lalaki tungod sa pagpangdunggab sa walo ka indibidwal.

Ang insidente nahitabo sa Yokohama Rubber Company sa Mishima City sa Shizuoka Prefecture.

Walo ka mga tao ang nasamdan sa insidente ug gidala gilayon sa tambalanan.

Gikaingong ang 38-anyos nga suspek migamit og survival knife samtang nagsul-ob og gas mask sa wala pa ang insidente.

Milabay usab ang suspek og bleach nga nakaangol sa pito ka mga tao.

Kasamtangan nagpadayon ang pagsusi sa mga otoridad sa motibo sa suspek.