Giklaro sa Ambassador sa Pilipinas sa Canada nga dili tanan namatay gilangkuban og Pinoy atol sa insidente sa Filipino festival sa Vancouver niadtong Abril 26.
Matud pa ni Philippine Ambassador to Canada Maria Andrelita Austria, nakig-istorya na sila sa mga pamilya sa mga namatay nga Pilipino ug gitagaan na kini og full assistance, apil na usab ang mga Pilipinong nasamdan sa maong insidente.
Sa pagkakaron, sumala sa PH envoy, posible nga moatubang pa og dugang nga kaso ang suspetsado sa likod sa maong trahedya.
Gumikan niini, gilauman nga ipahigayon ang Filipino Heritage Month sa buwan sa Hunyo nga posibleng moresulta sa dagkong selebrasyon sa tibuok Canada.
Kalabot niini, giingon ni Ambassador Austria nga magtinabangay sila sa kapulisan para sa mga umaabot nga kalihokan aron malikayan ang susamang nga pag-atake.