115 ka gidudahang miyembro sa ISIS ang giaresto sa Turkey

Giaresto sa Turkish police ang 115 ka gidudahang myembro sa militanteng grupong ISIS.

Matud sa Istanbul Prosecutors’ Office nga nakadawat kini og impormasyon nga ipakaylap ang terorismo ug ipahigayon panahon sa Pasko ug Bag-ong Tuig.

Mipagawas kini og 137 ka warrant of arrest batok sa mga suspek human nakadawat og impormasyon ang mga otoridad nga kini myembro sa ISIS.

Base sa nakalap nga impormasyon, adunay mga kontak ang nasangpit nga mga suspek sa mga lugar nga adunay kagubot.

Nakumpiska sa mga otoridad ang mga pusil ug mga bala ingon man mga dokumento nga gidudahang mga dokumento sa organisasyon.

Samtang gipangita pa sa mga otoridad ang laing 22 ka mga suspek.