Walay impormasyon ang Philippine National Police (PNP) may kalabotan sa impormasyon nga pagadakpon si kanhi PNP Chief ug karon Senador Ronald “Bato” Dela Rosa. Sumala kang PNP Spokesperson PBGen. Randulf Tuaño, wala silay nadawat nga bisan unsang report mahitungod sa giingong giingong pag-aresto sa kanhi Police General.
Migawas ang impormasyon nga kagahapong adlawa nga dakpon si Dela Rosa human matino ang giingong iyang gitaguan. Ang giingong arrest warrant adunay kalabotan sa iyang pagpangulo sa PNP atol sa implementasyon sa war on drugs sa administrasyon ni kanhi Pangulong Rodrigo Duterte, nga karon nag-atubang og kaso nga crimes against humanity sa International Criminal Court o ICC.
Samtang gipanghimakak ni Interior and Local Government Secretary Jonvic Remulla ang impormasyon nga pagadakpon na si Senador Dela Rosa.