Migawas ang resulta sa autopsy sa mga lawas ni kanhi DPWH Undersecretary Maria Catalina Cabral.
Base sa findings, ang hinungdan sa kamatayon mao ang blunt traumatic injury.
Nahimo ang autopsy human makombinsir sa mga awtoridad ang pamilya nga tugotan ang ipailalom sa maong eksaminasyon ang lawas sa namatay.
Ang pagsusi gihimo taknang alas-3:45 sa kadlawon, Disyembre 20, 2025, sa Cordillera Serenity Memorial, Irisan, Baguio City.
Gihuptan na sa NBI ang search warrant aron sa pagsusi sa lawak sa hotel nga ulahing gibisita ni kanhi Department of Public Works and Highways undersecretary Maria Catalina Cabral.
Tumong sa kapulisan nga masuta kung unsa ang rason sa pagdalikyat, ug mga aktibidad nga gihimo ni Cabral sa Baguio City.
Sa kasamtangan, nagpadayon ang imbestigasyon sa National Bureau of Investigation (NBI) sa kwarto nga gipuy-an ni kanhing DPWH Usec. Catalina Cabral ug sa iyang drayber sa Ion Hotel.
Sa sulod sa kwarto, nakita ang pipila ka personal nga gamit sa kanhing opisyal.
Duha ka kwarto ang gikuha sa duha ka tawo.