Gilimod ni Presidente Ferdinand R. Marcos Jr. ang mga pahayag nga ginahimong sentro sa pagbansay sa terorismo ang Pilipinas.Kini ang tubag sa Presidente human sa Bondi Beach mass shooting sa Australia nga nakamatay og 15 ka indibidwal.
Nareport usab nga sa wala pa mahitabo ang mass shooting, gikan sa Pilipinas ang amahan ug anak nga mga suspek.
Gipasiugda ni Presidente Marcos nga dugay na nga naglihok ang gobyerno aron buwagon ang mga teroristang grupo ug mapadayon ang kalinaw sa nasud.
Sa ika-90 nga anibersaryo sa Armed Forces of the Philippines (AFP) sa Camp Aguinaldo, gibutyag sa Presidente nga dili angay dawaton ang ing-ani nga sayop nga akusasyon ug gitino niini ang padayon nga pagpalig-on sa kapasidad ug pagpangandam sa militar.
Gidayeg usab ni Marcos ang sakripisyo sa mga gihatagan og award nga mga kawani sa AFP ug gihatagan usab og suporta sa administrasyon ang mga sundalo, lakip ang pag-apruba sa Executive Order No. 107 nga magpataas sa base pay sa military ug uniformed personnel sugod Enero 2026.
Dugang pa sa Presidente, ang mga lakang nagpamatuod sa pagpasalamat sa gobyerno sa adlaw-adlaw nga serbisyo ug sakripisyo sa AFP alang sa nasud.