Gideklara na nga isip opisyal nga Insurgency-Free ang Quezon, Bukidnon.
Kini nga kalampusan bunga sa pila ka tuig nga padayon, organisado, ug hiniusang paningkamot batok sa insurhensiya, diin aktibong nakigtambayayong ang lokal nga kagamhanan sa Quezon kauban ang Armed Forces of the Philippines, Philippine National Police, Department of the Interior and Local Government, ug ang halapad nga sektor sa komunidad.
Isip timailhan sa lig-on nga baruganan alang sa kalinaw ug kalamboan, gipahigayon usab ang ceremonial signing nga opisyal nga nagdeklara sa Communist Party of the Philippines–New People’s Army kon CPP-NPA isip Persona Non-Grata sa lungsod.
Gitambongan ang maong kalihokan sa 73 ka kanhi miyembro sa walhong grupo nga mibalik na sa sabakan sa gobyerno kauban ang ilang mga pamilya, lakip na ang mga lokal nga opisyales sa kagamhanan.
Kahinumdoman nga hingpit nang nakab-ot sa lungsod sa Quezon, Bukidnon ang usa ka dakong kalampusan sa kalinaw ug kaluwasan kagahapong adlawa, Disyembre 19, 2025.