Dili magduha-duha si Presidente Ferdinand Marcos Jr. sa pag-veto sa 2026 national budget kung gikinahanglan, bisan pa man sa pagseguro sa Bicameral Conference Committee (Bicam) nga corruption free ang budget.
Matud pa ni Palace Press Officer, Usec. Claire Castro andam ang Presidente nga supakon ang 2026 budget bisan pa sa kasiguruhan nga gihatag sa Bicam nga limpyo ug walay korapsyon ang pondo.
Gipasabot usab ni Castro nga bisan og gisiguro ug gisusi pag-ayo ang budget sa nagkalain-laing ahensya, adunay gahum gihapon ang Presidente nga tukion ug ipahamtang ang iyang desisyon kung makit-an niyang angay kini usbon o i-reject.
Kini nagpakita sa determinasyon sa administrasyon nga masiguro ang transparency ug accountability sa paggamit sa pondo sa nasud.