Giklaro na ang maong pagpatuman sa 20 KPH speed limit sa Malaybalay nga mahimutang lamang sa pedestrian lanes, school zones, blind curves, ug dapit nga naay naka-park nga sakyanan.
Sa pakighinabi sa Bombo Radyo Malaybalay, matod sa Traffic Operations Officer I nga si Justino Roy Bayo Santonino, nga ang limit nga 20 KPH gi-base sa City Ordinance 900 ug sa national law, ug gi-apply sa stretch gikan Kalasungay Bridge paingon sa Sawaga Bridge, diin daghan ang pedestrian, estudyante sa eskwelahan, hospital, City Hall, ug mga simbahan.
Gipasabot niya nga kini aron malikayan ang aksidente, labi na sa duol sa mga eskwelahan ug daghang tao nga dapit, lakip usab aron masiguro ang kaluwasan sa tanan nga motorista ug pedestrian.
Gi-awhag sa TMC ang tanan nga motorista nga mosunod sa bag-ong speed limit ug magmatngon sa mga pedestrian ug estudyante aron malikayan ang disgrasya.