Nanawagan sa lokal nga kagamhanan ang Principal sa New Nungnungan National High School, nga si Principal Neil Tabamo, human subling gilamoy sa kalayo ang maong tulunghaan, lima ka classroom sa maong sunog sa milabayng adlaw ang maong gilamoy sa kalayo.
Ang insidente nahitabo sa milabayng adlaw sa gabii, diin naugdaw ang tulo ka classroom sa Grade 9, usa sa Grade 7, ug usa sa Grade 8, nga nagdala sa kadaot na mokabat sa ₱75,000 ang damyos.
Gibutyag ni Tabamo nga bisan pa man sa sunog, padayon gihapon ang klase ug gigamit ang stage sa eskwelahan isip temporary learning shelter alang sa apektadong mga estudyante. Gi-apod-apod usab sa lokal nga pangagamhanan ug DepEd ang koordinasyon aron masiguro ang safety nga pagpadayon sa pagtungha.
Sa pakighinabi sa Bombo Radyo Malaybalay kay SFO1 Emmanuel M. Arcilla, Chief Investigation and Intelligence Division sa Bureau of Fire Protection–Bukidnon, na matod pa nadawat lang nila ang tawag human sa sunog ug sa pag-abot, hapit 80% sa infrastraktura ang gilamoy na sa kalayo. Ang building karaan na ug pipila sa materyales niini kay light materials, hinungdan nga dali ra nasunog. Padayon pa ang imbestigasyon aron matino ang tinubdan sa sunog.