Atubangon ni vice president Sara Duterte ang patung-patong nga mga kaso nga gisang-at batok niini lakip na ang uban pang opisyal sa Ofiice of the Vice President (OVP) ug Department of Education kon (DEPED).
Kagahapong adlawa, gisang-at ang mga reklamong plunder, malversation, graft, ug uban pa batok sa ikaduhang pangulo ug sa lain pang nalambigit sa maong isyu tungod sa gikaingong sayop nga paggamit sa ‘confidential funds.’
Daghang mgamiyembro usab sa simbahan ug mga civil society advocates ang nagsang-at og mga kasong plunder, bribery, malversation, ug paglapas sa Anti-Graft and Corrupt Practices Act batok sa bise presidente ug laing 15 ka opisyal sa OVP ug DEPED.
Ang reklamong gisang-at nalambigit sa gikaingong dili sakto nga paggasto sa ₱612.5 milyon nga confidential funds sa Office of the Vice President ug Department of Education. Gipadayag ni Fr. Flaviano Villanueva nga naglaom sila nga lig-onon sa Office of the Ombudsman ang ilang mga reklamong gisang-at batok sa bise presidente.
Dugang pa ni Fr. Villanueva dili lang kakulang sa pagdumala sa pondo ug katungdanan ang nahimongbkapakyasan sa bise presidente apan lakip usab ang pagsalig sa katawhan. Wala matud pa niini gihatagan og bili o gipaminaw ang mulo sa katawhan.
Hinuon nagpakabuta-bungol kini ug gilikayan ang paghatag og klaro o tin-aw nga tubag batok sa mga pasangil nga gipadangat ngadto kaniya.