Gikumpirma sa National Bureau of Investigation kon(NBI) nga nakakuha sila og mga importanting dokumento gikan sa tulo ka vault nga giablihan atol sa pag-serve sa search warrant sa condominium unit ni kanhing Ako Bicol Party-list representative Zaldy Co sa Taguig City niadtong Huwebes, Disyembre 11.
Sumala ni NBI Spokesperson Atty. Palmer Mallari, hangtod karon dili pa nila ibutyag ang eksaktong sulod sa mga dokumento, apan nagkanayon kining imporatante sa nagpadayong imbestigasyon kalabot sa anomalya sa flood control projects nga naka konekta sa pipila ka opisyal ug ahensya sa gobyerno.
Dugang pa ni NBI Spokesperson Atty. Palmer Mallari nga adunay pending nga aplikasyon alang sa Interpol red notice batok sa kanhing kongresista nga si Zaldy Co. Sumala ni Mallari, giagi ang request sa Philippine Center for Transnational Crimes niadtong Nobyembre 23 ug nagpaabot pa sila sa approval.
Padayon sab ang pagmonitor sa NBI sa maong kaso.Kon maaprubahan ang red notice, pahibaw-on sa Interpol ang tanan nga miyembro nga nasud mahitungod sa arrest warrant batok kang Co.Dugang pa ni Mallari, nakansela na ang pasaporte ni Co ug mahimo kining dakpon sa bisan unsang nasud tungod sa paglapas sa immigration laws.