Namatay sa airstrike sa US sa mga barko sa Venezuela, misaka pa!

Miabot na sa 87 ka indibidwal ang namatay tungod sa mas gipakusog nga operasyon sa US sa Caribbean.

Sukad sa paglusad sa “Operation Southern Spear” kaniadtong Septiyembre, anaa na sa 23 ka mga barko nga nagdala og illegal nga droga sa Caribbean ug silangang Pasipiko ang gipalubog sa mga airstrike sa US.

Kadaghanan sa 23 ka managlahi nga airstrike sa US gihimo sa kadagatan sa Venezuela ug Colombia.

Samtang giisip sa US nga “narco-terrorists” ang mga tao nga sakay sa mga barkong gipalubong.
Kahinumdoman nga nagpakatap na usab ang US og warship sa maong lugar aron hingpit nga mamonitor ang pagkuyanap sa illegal nga droga sa maong lugar.