Gi-alerto na sa gobyerno sa Pilipinas ang mga kaubanan niini sa Portugal ug uban pang mga nasud aron matultolan ug mabalik na sa Pilipinas ang ni-resign nga kanhing Ako Bicol Party List Representative nga si Zaldy Co, nga gi-deklarar sa usa ka pugante.
Una niini, miluwat si Sec. Remulla nga namonitor nila ang katapusang lokasyon ni Co sa Portugal.
Sumala sa kalihim, ang tanang nasud ug tanang centers for transnational crimes sa tibuok kalibutan na-inform na bahin sa pagkansela sa pasaporte ni Co.
Gidawat usab ni Remulla nga dugay ug hinay ang proseso kon moabot sa international law, apan nagpakonekta na sila sa ilang mga kaubanan sa ubang nasud.
Sa bahin ni Co, gipanghimakak niini ang mga akusasyon batok kaniya og gitudlo si Presidente Ferdinand Marcos Jr. nga maoy nagpaluyo sa P100 bilyon nga budget insertions sa 2025 national budget para sa mga infrastructure projects, nga gitawag sa Palasyo Malacañang nga walay basehan.
Kahinumduman, usa si Co sa 16 ka akusado sa kaso sa graft ug malversation nga may kalabotan sa anomalya sa flood control project sa Oriental Mindoro.
Gikan sa iyang mga kauban nga akusado, siyam niini anaa na sa kustodiya sa gobyerno ug nag-plead og not guilty sa Sandiganbayan.