Nagsalig si Senator Lito Lapid nga mapamatud-an nga walay sala ang iyang mga kauban sa Senado nga nalambigit sa isyu sa korapsyon sa mga flood control projects.
Sumala ni Sen. Lapid, makasubo para kaniya nga iyang mga higala ug kauban mismo sa Senado ang naapil sa maong isyu ug naglaum kini nga dili tinuod ang mga pasangil batok kanila.Iyang gipatin-aw nga sa mga giingong maanomalyang flood control projects, ang Department of Public Works and Highways (DPWH) ang nagpatuman niini ug dili ang mga mambabalaod.
Dugang pa ni Sen Lapid nga dili gaagi kanila ang pondo ug adunay mga lokal nga opisyal nga nag hangyo kanila sama sa farm to market roads diin klaro nga dili sila ang nagpatuman sa proyekto.
Sa dihang gipangutana si Sen. Lapid kabahin sa mga commissioner nga nag-resign sa ICI, mitubag ang senador nga mas gusto niyang siya na lang ang pangutan-on sa komisyon.