Patay ang usa ka Bao-Bao driver human kini gipusil sa usa ka retiradong sundalo sa Maramag, Bukidnon kagahapon adlawa, alas 12:30 sa udtong dapit.
Sa pakighinabi sa Bombo Radyo Malaybalay, gipamatud-an ni PLtCol. Alexander E. Eugenio, hepe sa Maramag Municipal Police Station, nga ang biktima nga si Richard Castillon, usa ka Bao-Bao driver, taga-Purok 10, South Poblacion, Maramag, gipusil sa usa ka retiradong sundalo sa 8IB nga giilang si Artinio Hiniralaw sa dihang nagkalalis sila.
Ang insidente nahitabo alas 12:30 sa udto duol sa barracks sa 89th Infantry Battalion. Gipamatud-an nga wala gipusil ang biktima sa sulod sa Bao-Bao; ang lawas nakit-an mga 10 kilometros ang gilay-on gikan sa lugar sa pagpamusil. Sa crime scene, nakit-an sa kapolisan ang pito ka basiyo sa calibre .40.
Gipamatud-an usab nga dugay na ang panagbangi sa duha ug adunay nagligad nga panagbikil. Ang suspetsado mitahan sa iyang kaugalingon sa Maramag Police Station. Andam na ang pamilya sa biktima nga magsaka ug kaso batok kang Hiniralaw.