Gisiguro sa Police Regional Office X ang hugot nga preparasyon alang sa seguridad atol sa nagpadayong pagsaulog sa kapaskohan sa rehiyon.
Sa eksklusibong pakighinabi kang PMaj. Joann Navarro, tigpamaba saPolice Regional Office X, gipadayag niini nga andam na ang hugot nga implementation plan nga nagsugod sa Disyembre 1 hangtod sa unang semana sa Enero ubos sa kampanyang “Ligtas Paskohan 2025.”
Matud ni Pmaj. Navarro, maong lakang naglakip sa mas lig-on nga presensya sa kapulisan hilabi na sa pagsugod sa Simbang Gabi, diin gitutokan ang siguridad sa sagradong lugar.
Gipasabot usab sa PRO-X, nga mas hugtan pa ang pagbantay sa mga terminal hubs sama sa bus terminals, airports, ug seaports aron malikayan ang krimen, congestion, ug posibleng hulga sa seguridad.
Lakip sa mga prayoridad ang intensified police visibility sa mga sentro sa komersyo, night markets, malls, ug uban pang lugar.
Dugang pa niini, padayon usab ang pagmonitor sa mga tourist destinations sa Northern Mindanao.