Gipahibalo sa World Food Programme sa UN nga pahurot na ang mga suplay sa pagkaon tungod sa pagharang sa Israel sa coastal territory.
Gibutyag sa UNRWA nga mukabat sa 3,000 ka mga trak sa ayuda ang andam na, apan gipugngan pag-abot sa Gaza rason nga wala kini nakasulod.
Ang Gaza nagkanayon nga ang gidaghanon sa mga Palestinian nga mamamahayag nga napatay sa Israel misaka na sa 212 sukad nagsugod ang gubat niadtong Oktubre 2023. Sa pagkakaron, nagpabiling giharangan ang Gaza Strip, sulod sa halos duha na ka buwan.
Gibutyag nga gibabagan matud pa sa Israel ang pagsulod sa mga pagkaon, gasolina, tambal, ug uban pang mga kinahanglanon sa maong lugar. Ang mga merkado hapit na mahutdan og supply samtang aduna pay kapin 2 milyones ka mga residente sa rehiyon ang nakasinati og kawad-on.
Ang mga indibidwal nanginabuhi ug naningkamot makakaon sa mga nahibiling pagkaon nga anaa sa palibot sama sa karots ug gisantis.