Ginkondena sa pipila ka mga senador ang nahitabo nga pagpangdaro sa usa ka sakyanan sa usa ka Pinoy Street festival sa Vancouver Canada, niadtong Sabado sa gabii.
Sumala ni Senate President Francis “Chiz” Escudero, ang maong insdente dili angay mahitabo kang bisa kinsa ang susamang insidente.
Apan misalig ang senador nga buhaton sa mga awtoridad sa Canada ang tanan nilang makaya aron masiguro nga makab-ot ang hustisya.
Dugang niini nihangyo usab si Escudero sa Philippine Consulate ug uban pang mga opisyal sa embahada sa Vancouver nga tabangan ang mga biktimang mga Pilipino lakip na ilang mga pamilya ug siguruhon nga sila maayong matutokan, ingon man ang pagpatuman sa mga lakang aron malikayang mahitabo ang susamang insidente.
Subay sa datos, mikabat sa 11 ang mitaliwan. Sa pagkakaron, padayon ang imbestigasyon nga gipangulohan sa Major Crime Section sa Vancouver Police.